Antonet se geselshoekie

Hier kan ons sommer net real en prakties wees oor Christenskap


Leave a comment

Huwelik Bliss word gebore

HB naam jpeg
Byna ses weke se skryf is agter die rug! Die manuskrip is nou by die proefleser. Die drukkers het al die ISBN nommer geregistreer en begin volgende week met die buiteblad. Al die balle is aan die rol.

God het vir my die naam Huwelik Bliss in prentjie vorm gegee. Dit beteken: Is jy op hierdie stadium in ʼn gebluste huwelik of is jy dalk besig om jou huwelik te blus? Of hoop jy vir meer bliss (geluk) in jou vervelige huwelik? Net God alleen kan blus doodkrap en bliss in die plek daarvan skryf.

Die boek is propvol ware stories en sommer baie humor. Wie is Bokkie en Rambo? Het Eva Verbode Vrug konfyt staan en kook in die Tuin van Eden? Het jy geweet vrouens kan vergelyk word met sport motors? Hoekom is dit stupid en diefstal om seks voor die huwelik te hê? Trou is nie perde koop nie – of is dit? Hoe sit jy jou eie man weer terug in roMANse? Wat het die resultate gewys van die klomp vraelyste wat ek vrouens laat voltooi oor seks in die huwelik? Hierdie, en sommer nog baie ander vrae, word in Huwelik Bliss beantwoord.

God het al die geld voorsien om 1000 boeke te druk. Sy opdrag was dat ek dit gratis moet uitdeel, sodat huwelike gered kan word. Hy wil hê dat huwelike weer moet lyk soos Hy dit geskep het om te wees.

Ek is so opgewonde hieroor. Bid saam dat al die drukwerk vlot sal verloop en dat huwelike sommer gou weer vir God teruggewen gaan word.


Leave a comment

Hang in there!

Dit tref my weer vandag: ons is net mooi niks sonder Jesus nie. Voel jy dat jy jouself verloor het en weer moet vind? Jy het eintlik niks om in jouself te vind nie. In Johannes 15:5 sê Jesus vir ons dan ons niks sonder Hom kan wees nie. Hy is die wynstok en ons die lote. Ons moet net aan Hom hang en toelaat dat alles wat Hy het en is, deur ons vloei. So my raad aan jou is: hang in there!
Vine[1]


Leave a comment

Lyk my die duiwel was suksesvol

Roger Morneau skryf oor sy okkultiese ondervindings gedurende die 1940’s in sy boek A trip to the supernatural. Hy het deurmekaar geraak met ʼn priester wat die hoof was van ʼn organisasie wat geeste aanbid. Die priester vertel dat Satan in die 1700’s ʼn “Great General Counsel” gehou het met al sy hoë priesters. Satan het geweet dat die wêreld die eindtyd betree en wou graag soveel as moontlik mense weglok van God af. Hulle het op die volgende 3 punt plan besluit:
1. Mense moet oortuig word dat Satan en sy gevalle engele nie regtig bestaan nie. Onlangse studies wys dat 75% van mense vandag, glo nie meer dat daar ʼn regte duiwel bestaan nie.
2. Haal hipnose uit die okkulte en maak dit ʼn aanvaarbare wetenskap wat tot voordeel van die mensdom is. Sodoende kry Satan ʼn oop deur na mense se gedagtes.
3. Satan wou die Bybel vernietig, sonder om dit te verbrand. Hy het gesê dat die evolusie teorie aan almal geleer moet word. Wanneer iemand evolusie glo, vernietig dit sy geloof in die skeppingsverhaal.

Roger het later tot bekering gekom en die res van sy lewe gewy aan God se koninkryk. Hy het nog ʼn hele paar Christelike boeke geskryf. In 1999 is Roger Morneau oorlede.
ʼn Drie uur lange onderhoud met Roger oor die boek: A trip to the supernatural kan gesien word op: http://archive.org/details/ATripIntoTheSupernatural-RogerMorneau-FormerOccultistDemon